Look!
Look at yuhself!
Yuh always trying to be someone else
Just look at yuhself
Why yuh trying so hard to be someone else?
Trinidad, can't you see your uniqueness?
So very complex, talented and blessed
You and your cute little sister Tobago,
Full ah character, full ah virtue, full ah tempo
Why yuh want to copy de worst of another nation
When your originality can cause a massive sensation?
Just look whey yuh doing
Yuh leading yuhself into ruin
Trinidad, yuh know Ah love yuh!
Ah cyah stand back and watch yuh do things so
Remember de sound, de rhythm, de beat
De heart grooving wit de shuffle of feet
De kaiso cornbread baked in de mud oven
De calypso soul food and tasty chutney to go down
De aroma of de rapso baked in ah steelpan
With limbo callalloo seasoned with tambrin and tambran
Yuh Moko Jumbie masquerading as a Midnight Robber
Early in de jou'vert morning, eating hot pow and chow mein soca pepper
Trinidad, yuh heavenly serenity is ah desire
For those whose lands in turbulence and disharmony perspire
Yet you let yuh children reflect de Eagle's tube more
You allow yuh culture to feel obscure
Look at yuhself and see what has become
What yuh allowed to just happen
Watch!
Is this what yuh wanted?
When yuh look at yuhself and see reflected
An image of a traitor
Trinidad!
What yuh go do 'bout da?